Reykjavík, 07.07.2000

Í sumar lauk fyrsta áfanga uppsetningar nýrra símstöðva hjá Hrafnistu í Hafnarfirði og Reykjavík.

Um er að ræða HICOM 150E Office PRO símstöðvar frá Siemens í Þýskalandi.

Þegar uppsetnigu búnaðar verður að fullu lokið má gera ráð fyrir að bæði þjónustu- og vistmannahluti þessara tveggja stofnana verði að fullu fyrir komið í nefndum kerfum. Þetta mun einfalda samskipti bæði starfsfólks og vistmanna, sem tengd verða einu kerfi sem og tryggja meira öryggi þessara aðila.

Stöðvarnar bjóða upp á ýmsar þjónustur og tækni sem auka munu á öryggi og þægindi starfsfólks og vistmanna á Hrafnistu. Meðal annars má nefna; ISDN tengingar, þráðlausar lausnir, mögulegar tölvutengingar o.fl.

Starfsmenn Smith & Norland nutu aðstoðar tæknimanna Hrafnistu í hvívetna vegna uppsetningar á búnaði og tækjum, og viljum við nota tækifæri þetta til að þakka þeim fyrir veitta aðstoð.