|
01.04.2010
Ágæti viðskiptavinur!
Heimakstur á seldum heimilistækjum til viðskiptavina
Smith & Norland er miðaður við
Stór-Reykjavíkursvæðið og stendur hann jafnan yfir hvern dag
frá kl. 15:00 til 18:00, nema um annað sé samið
sérstaklega. Viðskiptavinur skal vera
tilbúinn að taka á móti tækjunum á þeim tíma er þau
eiga að afhendast. Gert er ráð fyrir flutningi tækjanna
inn á
gólf kaupenda. Eldunartæki og amerískir
kæliskápar eru jafnan afhent í umbúðum sem og stærri
pakkar. Auk þess tökum við tillit til sérstakra óska
viðskiptavina hvað þetta varðar.
Miklu máli skiptir að okkur sé gert auðvelt að koma
tækjunum til viðskiptavina. Leið þarf að vera greið
að þeim stað þar sem þau eiga að standa. Menn okkar
geta alls ekki tekið að sér að færa til húsbúnað,
losa hurðir og annað sem til fellur, svo að setja
megi tækin á sinn stað. Allt slíkt veldur óæskilegum
töfum og á að vera í höndum kaupenda.
Auk
þess viljum við leggja ríka áherslu á það, að
menn okkar
sjá alls ekki um að fjarlægja gömul tæki af
staðnum. Áréttað er að útkeyrslumenn okkar sinna
engum tengingum, m.a. vegna ábyrgða o.fl. Slíkt
verða eigendur sjálfir að annast.
Vegna tenginga á tækjum bendum við á:
-
Meistarafélag pípulagningarmanna,
-
Félag löggiltra rafverktaka,
Sími 591 0150.
www.sart.is
Vara er aldrei afhent nema einhver sé á
afhendingarstað til að taka við henni.
Við leggjum auk þess ríka áherslu á að kaupendur
lesi gaumgæfilega allar þær greinargóðu
notkunarleiðbeiningar sem tilheyra tækjunum.
Kaupendur skulu kvitta fyrir móttöku tækjanna og
yfirfara hvort ekki sé um rétt tæki að ræða og
ástand þeirra ásættanlegt.
Með kærri kveðju,
starfsfólk Smith & Norland
|
