Þann 11. maí undirritaði Flugmálastjórn samning við fyrirtækið N.V. ADB S.A. í Belgíu um kaup á flugbrautarljósum og tilheyrandi búnaði fyrir Reykjavíkurflugvöll. Fyrirtækið var lægstbjóðandi í útboði sem Ríkiskaup annaðist og er samningsupphæðin 34,5 millj. kr. Endurnýjun flugbrautarljósa er einn liður í þeirri endurnýjun sem nú er hafin á Reykjavíkurflugvelli og felur m.a. í sér uppsetningu fullkomins ljósabúnaðar sem uppfyllir alþjóðlega staðla. N.V. ADB S.A. er heimsþekkt fyrirtæki á sínu sviði, dótturfyrirtæki Siemens AG í Þýskalandi. Smith og Norland hf. er einkaumboð Siemens á Íslandi.

Frá undirskrift samningsins. Frá vinstri: Brandur Guðmundsson deildarverkfræðingur hjá Flugmálastjórn, Haukur Hauksson varaflugmálastjóri, Benoît Boucquillon framkvæmdastjóri Evrópusviðs N.V. ADB S.V. , Sverrir Norland forstjóri Smith og Norland hf. og Ólafur M. Kjartansson verkfræðingur hjá Smith & Norland hf.