Aneta Belysning er sænskt
fyrirtæki sem á sér yfir fimmtíu ára gamla sögu
í lýsingargeiranum. Upphaflega byrjaði
fyrirtækið á að framleiða lampaskerma úr vefnaði
en smátt og smátt jókst úrvalið og í dag býður
Aneta upp á breiða línu ljósa fyrir heimili. Þar
má finna glæsilegar ljósakrónur, fallega
loftlampa, myndarlega standlampa, góða
borðlampa, baðljós, ljós fyrir barnaherbergi, o.
fl. Fyrirtækið er bæði með sína hönnun og
framleiðslu og einnig annarra. Það gerir háar
gæðakröfur og hefur unnið síðan 2002 eftir
alþjóðastaðlinum ISO 9001 og er með
viðurkenningu þess efnis. Einungis örfáir
birgjar á sviði heimilislýsingar geta státað af
því.
En sjón er sögu ríkari og í
lýsingardeild okkar má finna mikið úrval ljósa
frá Aneta.
